Тоқаев: Шығыстан шыққан қаламгерлер күллі дүниені мойындатып отыр - на politic.bugin.kz
Bugin.kz - на politic.bugin.kz Bugin.kz

Азия елдері қаламгерлерінің тұңғыш форумы

Шығыстан шыққан қаламгерлер күллі дүниені мойындатып отыр. Бұл туралы бүгін елордада өтіп жатқан Азия елдері қаламгерлерінің  тұңғыш форумында Қазақстан Президенті Қасым-Жомарт Тоқаев айтты.

«Азия әдебиетінің өрісі айтарлықтай кеңейіп келеді. Шығыстан шыққан қаламгерлер күллі дүниені мойындатып отыр. Бұл ретте Азия әдебиетін әлемге әйгілеп, дәріптей түсу - форумның тағы да бір маңызды міндеті деп  санаймын. Шығыс  даналарының дәстүр сабақтастығы сіздердің туындыларыңыз арқылы жалғасын табады деп ойлаймын», - деді Мемлекет басшысы.

Қазақстан  Президенті жаһандану дәуірінде Азия сын-қатерлерге лайықты төтеп бере отырып, өзіне тән бірегей ерекшеліктерін сақтап келе жатқанын айтты.

«Батыс технологиясы Азия руханиятымен үндесіп,  шығыстық жаңғыру үрдісін дүниеге әкелді. Қалаларда шығыс әлемінің болмыс-бітімін насихаттайтын креативтік класс пайда болды. Рухани байланыстарды кеңейту жаңа замандағы Азия халықтарының біртұтастығының кепілі. Біз бұл үрдісті қолдап, әлем халықтарының ынтымақ-бірлігін нығайтуға үлес қосуға тиіспіз», - деді Қ.Тоқаев.

inform.kz

0 Пікір Кіру