Түрме вице-министрдің көзімен - на politic.bugin.kz
Bugin.kz - на politic.bugin.kz Bugin.kz

Вице-министр түрмеде отырып жазған кітап жақын арада баспадан шығады

Бүгін сот залынан босатылған білім вице-министрі Эльмира Суханбердиева қамауда отырған кезде кітап жазғанын айтты.

"Түрмеде отырған 34 күн бойы мен кітап жаздым. Оның аты - "Түрме вице-министрдің көзімен". Жақын арада жарыққа шығады. Бұл өте қызықты кітап болады. Ол мен туралы автобиография емес, сан алуан адамдардың пікірі енгізіледі. Мен оны аяқтауға жақынмын. Әдеби түзетулер ғана қалды", - деді Суханбердиева.

Оның айтуынша, бұл кітапты шетелдіктер сұрап отыр. Бірақ вице-министр оны алдымен Қазақстанда таратамын дейді.

"Қазір маған баспа орталықтары хабарласып жатыр. Олар кітапты басып беруге ниетті. Мен арнайы баспасөз мәслихатын өткізіп, журналистерге де таратамын", - деді Суханбердиева.

sputniknews.kz

0 Пікір Кіру