Нұрсұлтан Назарбаев маңызды 3 заңға қол қойды - на politic.bugin.kz
Қаракөз Амантай - на politic.bugin.kz Қаракөз Амантай

Мемлекет басшысы бірнеше заңға қол қойды

Қазақстан Президенті Нұрсұлтан Назарбаев бірнеше заңға қол қойды.

Ақорданың баспасөз қызметінің хабарлауынша, Мемлекет басшысы "Қазақстан Республикасының Үкіметі мен Тәжікстан Республикасының Үкіметі арасындағы Қазақстан Республикасы азаматтарының Тәжікстан Республикасының аумағында және Тәжікстан Республикасы азаматтарының Қазақстан Республикасының аумағында болу тәртібі туралы келісімді ратификациялау туралы" Қазақстан Республикасының Заңына қол қойды.

Осы келісім Қазақстан мен Тәжікстан азаматтарының тараптардың аумағында 30 күнге дейінгі мерзімге міндетті тіркеусіз болу мерзімін белгілеуге, сондай-ақ мемлекеттік шекарадан өткеннен кейін міндетті тіркеусіз 90 күнге дейін Тараптардың аумағында болуға бағытталған.

Мемлекет басшысы "Қазақстан Республикасының Үкіметі мен Тәжікстан Республикасының Үкіметі арасындағы көші-қон саласындағы ынтымақтастық туралы келісімді ратификациялау туралы" Қазақстан Республикасының Заңына қол қойды.

Сонымен қатар Нұрсұлтан Назарбаев "2014 жылғы 29 мамырдағы Еуразиялық экономикалық одақ туралы шартқа Қырғыз Республикасының қосылуы туралы 2014 жылғы 23 желтоқсанда қол қойылған шартқа өзгеріс енгізу туралы хаттаманы ратификациялау туралы" Қазақстан Республикасының Заңына қол қойды.

0 Пікір Кіру