Қаржы пирамидаларын жарнамалаған жұлдыздар жауапқа тартылады – Бас прокуратура - на politic.bugin.kz
Bugin.kz - на politic.bugin.kz Bugin.kz

Жұлдыздар жауапқа тартылады

ҚР Бас прокуратурасының баспасөз қызметі еліміздегі күмәнді қаржы ұйымдарына байланысты арыздар түсіп жатқанын хабарлады.

«Қазіргі таңда құқық қорғау органдарына «Гарант 24 Ломбард», «ESTATE Ломбард» ЖШС-не және «Нурали Капитал», «Выгодный займ» микрокредиттік ұйымдарының иелері азаматтардың жылжымалы және жылжымайтын мүліктерін, ақшалай қаражатын заңсыз иемденіп алу әрекеттеріне қатысты арыздар түсіп жатыр. Аталған ұйымдармен 42 мың келісімшартқа отырған 6 мыңнан аса азамат жүгінген. Полиция органдары олардың өтініштері негізінде 22 қылмыстық іс бойынша сотқа дейінгі тергеп-тексеруді бастады. Бір ломбард менеджері мен 12 филиал директоры жауапкершілікке тартылуда», - делінген хабарламада.

Алаяқтар мақсатына жету үшін түрлі жарнамаларды белсенді қолданған.

«Тергеудің объективтілігін қамтамасыз ету үшін процессуалдық прокурорлар бекітілген. Алаяқтардың мақсатына жету үшін түрлі жарнамаларды белсенді қолданғаны, олардың ішінде шоу-бизнес жұлдыздары мен танымал блогерлерді пайдаланғаны анықталды. Сотқа дейінгі тергеп-тексеру барысында жарнама жасауды жүзеге асырған және таратқан тұлғалардың жауапкершілігі қарастырылып, олардың әрекеттеріне құқықтық баға берілетін болады», - дейді Бас прокуратураның баспасөз қызметі.

Бас прокуратура азаматтарға кіріс көзі дәлелденбеген қомақты қаражатқа қол жеткізу туралы уәде ететін күмәнді ұйымдарға ақшасын сеніп тапсырмауға шақырады.

Азаттық рухы

0 Пікір Кіру