«Шындығында Қазақстанның мемлекеттік тілі – орыс тілі» - Петр Своик  - на politic.bugin.kz
Bugin.kz - на politic.bugin.kz Bugin.kz

Петр Своик Қазақстанның мемлекеттік тілінің орыс тілі екенін айтты

Экономист, саясаттанушы Петр Своик биліктегілер қазақша сөйлегенде оның ырымын жасаумен ғана шектеледі дейді. Cвоиктің ia-centr.ru сайтында жариялаған мақаласынан қысқа ғана үзінді ұсынамыз. 

«Бүгінгі Қазақстан билігі түгелдей қазақтардан тұрады. Саясатты, заңды, атқарушы және орындаушы билікті, экономиканы, білімді, ғылымды, мәдениетті, ақпаратты, әлеуметтік саланы – қазақтар билеп-төстеп отыр.

Алайда бұдан қазақ ұлтына қайыр жоқ. Қазақша сөйлеп, қазақша ойлайтын ауыл қазағы, қаладағы қарапайым қазақ ұлттық байлыққа ортақтаса алмайды», – деп есептейді Своик мырза.

Оның пікірінше, Қазақстандағы билік қазақ ұлтына емес, осы ұлттан «жасақталған» ат төбеліндей топқа тиесілі.

«Шындығында мұндай Қазақстанның мемлекеттік тілі – орыс тілі. Қазақ билігі орыс тілімен қатар, қазақ тілін де қолдануға тырысады. Бірақ бұл әншейін көзалдау, ырымын жасаған болады. Қалада тұратын қазақтың көпшілігі – орыстілді немесе екі тілді де жетік меңгерген.

Бұған қоса қалалық жерде аралас неке көп. Қазақ пен орыс қана отау құрып жатқан жоқ, қазақ пен кәріс, татар, өзбек, ұйғыр, еврей және басқаның қаны шимай-шатпақтанып кеткен. Бүгінгі қазақ билігінің басында отырған әлгі ат төбеліндей топ қазақылығынан әлдеқашан айырылған», – дейді Петр Своик.

dalanews.kz

0 Пікір Кіру